भारतमा विश्वजितम् नामबाट रिलिज हुँदै प्रेमगीत ३

काठमाडौं । सन्तोष सेन र छेतेन गुरुङ निर्देशित फिल्म ‘प्रेमगीत ३’ भारतमा ‘विश्वजितम’ नामबाट प्रदर्शनमा आउने भएको छ । फिल्मका निर्मातासमेत रहेका सन्तोषले फेसबुकमार्फत यो कुराको जानकारी दिएका हुन् ।

सन्तोषका अनुसार इण्डियन मोसन पिक्चर प्रोड्युसर्स एशोसिएनले एक पत्र लेख्दै फिल्म ‘विश्वजितम’ नामबाट रिलिज हुन लागेको जानकारी दिएका हुन् ।

फिल्ममा प्रदीप खड्का, कृष्टिना गुरुङ, शिव श्रेष्ठलगायतको अभिनय रहेको छ । फिल्म नेपालमा असोज ७ गते रिलिज हुँदैछ ।