काठमाडौं—‘पशुपति प्रसाद’ र ‘धनपति’ जस्ता नेपाली स्वाद बोकेका नेपाली फिल्महरुको निर्माण गरेको टुकी आर्ट्सले मञ्जुश्री फिल्म प्रोडक्सनसँगको सहकार्यमा निर्माण गरेको फिल्म ‘पानीफोटो’को फस्टलुक सार्वजनिक गरेको छ ।
वेपत्ता छोराको पर्खाइमा बसेका बाबुआमाको कथा भन्ने फिल्म आगामी साउन १३ गतेदेखि प्रदर्शन हुँदैछ ।
यसै फिल्ममार्फत कलाकार र लेखक खगेन्द्र लामिछाने फिल्म निर्देशकको रुपमा आउँदैछन् । फिल्म ‘पानीफोटो’का निर्माता रोजिना सिटौला र रबिन्द्र बज्राचार्य हुन ।
फिल्ममा, अनुप बराल, मेनुका प्रधान, मलिका महत, खगेन्द्र लामिछाने, प्रकाश घिमिरे, माओत्से गुरुङ, बुद्धि तामाङ, रमेश अधिकारी, कमलमणी नेपाल, अनुज पाण्डे, राधा श्रेष्ठ, श्यामकुमार खड्कालगायतको अभिनय छ ।
