काठमाडौं । सौगात मल्ल र श्रृष्टि श्रेष्ठको अभिनय रहेको फिल्म ‘माइकल अधिकारी’को ट्रेलर सार्वजनिक भएको छ । रञ्जित रौनियारको निर्देशन रहेको फिल्मको ट्रेलरमा कमेडी, मायाप्रेम, इमोसनलगायनका कुरा समेटिएका छन् ।
ट्रेलरमा सहरमा संघर्षरत एक दम्पत्तिमा आर्थिक समस्याले उत्पन्न झगडा, पैसाका लागि कोख भाडामा लगाउने महिला सरोगेसी आमा बनेपछि बच्चा अरुलाई सुम्पिन तयार नभएपछिको परिस्थितिलाई देखाइएको छ ।
उद्दव पौडेलको प्रस्तुतीमा निरक पौडेल निर्माता रहेको फिल्ममा अशान्त शर्मा, लुनिभा तुलाधर, एनी कुँवर, हेमन्त बुढाथोकी, विद्या कार्की, दीलिप बोहोरा, केन्द्र भट्टराई, बाल कलाकारहरु आर्या पौडेल र केभिन परियार यिओको अभिनय छ ।
मनोज केसी प्रोडक्सन म्यानेजर रहेको फिल्ममा कमल राई र कविराज गहतराजको कोरियोग्राफी, शम्भुजित बासकोटा र रेभन सिंहको संगीत, शैलेश कँडेल क्षेत्री र दयाराम पाण्डेको शब्द, मित्र डि गुरुङको सम्पादन, राजु विक्रम थापाको छायांकन र शैलेश कँडेल क्षेत्रीको पटकथा तथा संवाद छ । फिल्म भदौ ३ मा रिलिज हुँदैछ ।
