काठमाडौं । वर्षको प्रतिक्षित फिल्म ‘छक्का पन्जा ४’ को पहिलो गीत ‘दर्शन सलाम’ सार्वजनिक भएको छ । डेभिड शंकर र सहिमा श्रेष्ठको स्वर रहेको गीतमा राजेन्द्र थापाको शब्द र दीपक शर्माको संगीत छ । फिल्म युनिटले यही गीत सार्वजनिक गर्दै प्रचारप्रसार अभियान सुरु गरेको जनाएको छ ।
कविराज गहतराजको कोरियोग्राफी रहेको गीतको भिडियोमा दीपकराज गिरि, दीपाश्री निरौला, स्वस्तिमा खड्का, केदार घिमिरे ‘माग्नेबुढा’, बुद्धि तामाङ, राज आचार्य लगायतका कलाकार फिचर्ड छन् ।
हेमराज बिसीको निर्देशनमा रहेको फिल्म फागुन १९ गतेबाट रिलिज हुदैछ । दीपकराज गिरिको कथा रहेको फिल्म आमा सरस्वती मुभिज र आइएमीको प्रस्तुतिमा निर्माण भएको हो । फिल्मको कार्यकारी निर्मातामा केदार घिमिरे माग्ने बुढा र निर्मल शर्मा रहेका छन् ।
३ वटै सिक्वेल हिट दिएको यो टीमले यो पटक सहरको कथा बोल्ने निर्माण टिमले बताएको छ । फिल्ममा दिपकराज गिरि, दिपाश्री निरौला, केदार घिमिरे, बुद्धि तामाङ्ग, बेनिशा हमाल, मलिना जोशी, राज आचार्य लगायतका कलाकारको अभिनय रहेको छ ।
