काठमाडौं । लोकगायक प्रेमराजा महतको नयाँ गीत ‘घर हम्रा हुम्ला जुम्लामा’ सार्वजनिक भएको छ । अमेरिकाको मेरिल्याण्ड र पेन्सेलभेनियाको महावाणिज्यदुत समेत रहेका लोकगायक महतले केही समययता नेपालमा रहँदा यसको भिडियो सार्वजनिक गरेका हुन् ।
शुक्रबार आफ्नै युट्युबमार्फत् आफ्नै शब्द र संगीतमा तयार भएको गीत भिडियो सार्वजनिक गरेका हुन् । शान्तिश्री परियारको समेत स्वर रहेको गीत जुम्लाका विकट क्षेत्रमा छायाङ्कन गरिएको छ ।
भिडियोमा गायक महत र रीना थापा मगर फिचर्ड छन् । प्रेमराजा महतको परिकल्पना र रामजी लामिछानेको कोरियोग्राफी एवम् निर्देशन रहेको भिडियोमा मानकृष्ण महर्जनको छायाङ्कन छ ।
भिडियोमा मिराज अर्याल र रिमा फिल्मस्को सम्पादन र राजेन्द्र मोक्तानका रंग संयोजन छ । भिडियोको निर्माता अशिस भण्डारी, सदीक्षा महत भण्डारी, गिर्वाणविक्रम भण्डारी र गौरिका भण्डारी छन् ।
