काठमाडौं । गायिका अन्जु पन्तको स्वरमा रहेको गीत ‘एक चिम्टी सिन्दुर’ सार्वजनिक भएको छ । म्यूजिक खबर यूट्यूब च्यानलमार्फत् सार्वजनिक गीतमा सबिता पोखरेलको शब्द र सरोज कोइरालाको संगति छ । गीतमा विष्णु अधिकारीको संगीत संयोजन र विप्लव अधिकारीको मिक्सिङ छ ।
भिडियोमा सागर लम्साल ‘बले’, अन्जली अधिकारी र समिक्षा क्षेत्रीको त्रिकोणात्मक कथा जोडिएको छ । माया प्रेमभित्र समेटिएको रोदनमा एक चिम्टी सिन्दुरको महत्व र अभावलाई झल्काइएको छ ।
एक चिम्टी सिन्दूर कोही लाएर रुन्छन् कोही लाउन नपाएर रुन्छन् भन्ने भावभित्र मायाप्रेम, धोका र विश्वासघातका विषयहरु जोडिएका छन् । भिडियोको छायांकन नवराज उप्रेतीले गरेका हुन् भने सम्पादन नविन उप्रेतीले गरेका छन् । भिडियोमा मेकअप आर्टिष्टको रुपमा सविना उप्रेती रहेकी छन् भने कलर ग्रेडिङको काम मिलन विश्वकर्माले गरेका छन् ।
