काठमाडौं । ट्याटु हाउस नेपालका संस्थापक सन्दीप लामाको स्वर, शब्द र संगीतमा ‘तिमी छौ तिमी’ बोलको गीतको भिडियो सार्वजनिक भएको छ । गीतमा सुदीप सिंहको संगीत संयोजन र मिक्सिङ,मास्टरिङ समावेश छ ।
निकेश खड्काको निर्देशन रहेको भिडियोमा बेनिशा हमाल, सन्दीप लामा र सलोरा घिमिरे फिचर्ड छन् । रुपेश थापाले दृश्य कैद गरेको भिडियोमा विकास धमलाको सम्पादन देख्न सकिन्छ । भिडियोमा बेनिशा, सन्दीप र सलोरा बिच त्रिकोणात्मक प्रेम सम्बन्ध देख्न सकिन्छ ।
इन्क्सभिल्ला सफ्टवेयर एण्ड एप्पको निर्माण रहेको गीतको भिडियोमा बाँसुरी विकास लामा, मेकअप अनिता ग्वाचा र स्टाइलिश मार्कस ब्लेन्डेनको रहेको छ । भिडियो सपोर्टेडमा ट्याटु हाउस नेपाल रहेको छ । लामा इन्कसिभ्ला ट्याटु मोबाइल एपका सिइओ पनि हुन् ।
