काठमाडौं । आगामी भदौ १ गतेबाट प्रदर्शनमा आउने तयारीमा रहेको फिल्म ‘हिँड्दा हिँड्दै’को रोमान्टिक गीत ‘हाँस्ने ओठहरु तिम्रा हुन्’ सार्वजनिक भएको छ । गीतमा सुगम पोखरेल र अञ्जु पन्तको स्वर, किरण माइकल घिमिरेको शब्द तथा संगीत छ । गीतमा फिल्मका नायक आकाश श्रेष्ठ र नायिका रेखा शाह फिचर्ड छन् ।
मिलन आले मगर निर्देशित फिल्ममा सलोन बस्नेत, सानिया खान, विकास थापा मगर, विमल श्रेष्ठ, बाल कलाकार अर्विन थिङ्गको पनि अभिनय छ । नारायण सुशील पंगेनी इन्टरटेन्मेन्टको ब्यानरमा तयार भएको फिल्ममा सुशील पंगेनीको लेखन तथा निर्माण छ । विमल श्रेष्ठ प्रस्तुतकर्ता रहेको फिल्ममा राज लामा निर्मातामा छन् भने प्रमोद कुमार तामाङ र महादेश शाह सह(निर्मातामा छन् ।
फिल्ममा सुमन कुमार तण्डुकारको छायांकन, गौतमराज खड्काको सम्पादन, देव महर्जनको द्वन्द्व, तारा प्रकाश लिम्बू र किरण माइकल घिमिरेको संगीत तथा कविराज गहतराज र सुरेन्द्र बसेलको कोरियोग्राफी छ । फिल्म आरआर फिल्मस्ले देशव्यापी वितरण गर्दैछ ।
