काठमाडौं । गायिका सुनिता दुलालको तीज गीत ‘पियारी’ सार्वजनिक भएको छ । सोमबार राजधानीमा एक कार्यक्रमको आयोजना गर्दै गीत सार्वजनिक गरिएको हो ।
गीत सार्वजनिक कार्यक्रममा नीर शाह, लक्ष्मी गिरी, प्रेमराजा महत, तारा थापा, देविका बन्दना, माण्डवी त्रिपाठी, भगवान भण्डारी र रचना रिमाललगायतको उपस्थिति थियो ।
‘तीजलाई अभिव्यक्त गर्ने एउटा सुन्दरतम तरिका अपनाइएको यस गीतले समग्रमा नेपाली आत्मा बोकेको छ’ कलाकार नीर शाहले भने । त्यस्तै गायिका दुलालको सभ्यता र शिष्टताबाट प्रभावित भएर एक कल फोनको भरमा नै उक्त गीतमा अभिनय गर्न मन्जुर भएको कलाकार लक्ष्मी गिरीले बताइन् ।
कार्यक्रममा गायिका दुलालले विभिन्न विधाका ९ नारी लक्ष्मी गिरी, पल्पसा डंगोल, राष्ट्रिय लोकदोहोरी गीत प्रतिष्ठानकी अध्यक्ष रीता थापा मगर, गायिकाहरू तारा थापा, देवीका वन्दना, मान्डवी त्रिपाठी, रचना रिमाल, पूर्व मिस नेपाल उषा खड्गी, मिसेस नेपाल–बेस्ट पर्सनालिटी लक्ष्मी जोशीलाई तीजको शुभकामनासहित विशेष सम्मान गरिन् ।
कार्यक्रममा नेपाल टेलिभिजनका महाप्रबन्धक फूलमान बल तामाङ, डब्लुडब्लुएफका नेपाल प्रमुख घनश्याम गुरुङ, एआईजी टेकबहादुर तामाङ, राईज मिडिया नेटवर्कका कार्यकारी निर्देशक निर्मल श्रेष्ष्ठ, पूर्व राजदूत मोहनकृष्ण श्रेष्ठ लगायतको उपस्थिती थियो ।
नीर शाह र लक्ष्मी गिरीको विशेष भूमिका रहेको पियारीमा गायिका दुलालसँगै अभिनेत्री दीपाश्री निरौला, मोडल लक्ष्मी जोशी लगायतको अभिनय रहेको छ । दीपक शर्माको शब्द तथा संगीत रहेको गीत श्यामश्वेत रसाइलीले मिक्सिङ–मास्टरिङको काम गरेका हुन् । भिडियोलाई गम्भीर विष्टले निर्देशन गरेका हुन् । गीत सुनिता दुलाल युट्युब च्यानलमार्फत सार्वजनिक गरिएको छ ।
