काठमाडौँ । चलचित्र विकास बोर्डले एक सूचना जारी गर्दै राष्ट्रिय चलचित्र पुरस्कार तथा सम्मान समारोह, २०८० मा चलचित्र दीर्घ साधना सम्मान र विशेष योगदान सम्मानबाट सम्मानित हुने चलचित्रकर्मीहरूको सूची सार्वजनिक गरेको छ ।
चलचित्र विकास बोर्डको मिति २०८०–०५–०७ गतेको निर्णयानुसार यही २०८० साल भाद्र १२ गते मंगलबारका दिन राष्ट्रपतिको कार्यालय¸ शीतल निवास¸ काठमाडौंमा आयोजना गर्ने गरी तय गरिएको पुरस्कार तथा सम्मान समारोहमा सम्मानित हुने नामावली सार्वजनिक गरेको हो । यसको पूर्ण विवरण बोर्डको वेबसाइट film.gov.np मा राखिएको छ ।
