काठमाडौं । गायक महेश काफ्लेको स्वरमा रहेको गीत ‘चाइना जापान’ सार्वजनिक भएको छ । गायक काफ्लेकै युट्युब च्यानल महेश एन्ड मोरबाट सार्वजनिक उक्त गीतमा शब्द र सङ्गीत गायक काफ्ले कै रहेको छ ।
माया, प्रेममा असफल युवाको कथा गीतमा व्यक्त गर्न खोजिएको छ । सुनिल शिव भक्तिको निर्देशन र सम्पादन रहेको भिडियोमा मनिष नेपालको छायांकन छ । भिडियोमा महेश काफ्ले, जस्मिन दोङ, अनुज कार्की, प्रमिता क्षेत्री, नोरिन गौतम र प्रजन पौडेल फिचर्ड छन् ।
गायक महेश काफ्लेको ‘नाच फिरिरि’, ‘माया बिरानी’, ‘तातो गोली’, ‘लज्जावती झार’लगायतका गीतहरू चर्चित छन् ।
