काठमाडौं । निर्देशक प्रदीप शाहीको निर्देशन रहने साइ–फाई जोम्बी थ्रिलर फिल्मको कलाकार लाइनअप पुरा भएको छ ।
फिल्ममा प्रदीप खड्का, विजय लामा, बेनिशा हमाल, सुनिल थापा एवन राज उप्रेती तथा कविता नेपालीको प्रवेशसँगै लाइनअप पुरा भएको निर्माण पक्षले जनाएको छ । नृत्य रियालिटी शो ‘बुगी बुगी’ नेपाल संस्करणकी प्रथम विजेता कविता नेपालीको यो ‘डेब्यू’ फिल्म हो । फिल्ममा अभिनेत्री दिया पुन विशेष भूमिकामा देखिनेछिन् ।
अर्कोे साता नाम घोषणा गर्ने तयारी रहेको यो फिल्मको कथा निर्देशक शाहीले नै तयार पारेका हुन् । फिल्ममा विनोद सुवेदी खत्री ‘क्षितिज’ कार्यकारी निर्माता छन् ।
निर्देशक प्रदिपले गत वर्ष रिलिज फिल्म ‘अन्तिम संस्कार’बाट चर्चा पाएका थिए । उनको डेब्यू निर्देशकीय फिल्म ‘गोर्खाः बिनिथ द ब्रेभरी’ डेब्यू निदेर्खशकीय फिल्म हो ।
