मुम्बई(एजेन्सी) । सन् २०२३ को जनवरीमा विवाह गरेका बलिउड अभिनेत्री अथिया शेट्टी र क्रिकेटर केएल राहुले फ्यानलाई शुभ समाचार दिएका छन् । अथिया र केएलले नोभेम्बर ८ मा सामाजिक सञ्जालमा आफूहरु अभिभावक बन्न लागेको जानकारी दिएका छन् । उनीहरुले सन् २०२५ मा पहिलो सन्तानलाई स्वागत गर्ने बताएका छन् ।
‘हाम्रो सुन्दर आशिर्वाद चाँडै आउँदैछ २०२५ मा’ यो पोस्ट लेखेपछि अथिया र राहुलले निरन्तर बधाई पाइरहेका छन् ।
क्रिएटर केएल जनवरी २०१९ मा एक कमन फ्रेण्डका माध्यमबाट अथियासँग भेटेका थिए र उनीहरुबीच चाँडै मित्रता बस्यो । करिब तीन वर्ष प्रेम सम्बन्धमा रहेपछि सन् २०२३ को जनवरी २३ मा उनीहरुले विवाह गरेका थिए ।
