काठमाडौं । निर्देशक दिवाकर भट्टराईको निर्देशन रहेको फिल्म ‘नरसिंहाः अवतार’ नयाँवर्षको छेको पारेर आगामी चैत २९ गते प्रदर्शनमा आउने भएको छ । एक्सन र सोसल ड्रामामा निर्माण भएको यो फिल्म एप्पल इन्टरटेनमेन्ट, रिच इन्टरटेनमेन्ट र एफडी कम्पनीले वितरण गर्दैछ ।
फिल्ममा राजेश हमाल ,राज कटुवाल, नीति शाह, सनिशा भट्टराई, अर्जुन श्रेष्ठ, सरोज खनाल, दीपा शाही, प्रशान्त ताम्राकार, नीर शाह,रमेश चन्द सोडारी, प्रकाश कुँवरलगायतका कलाकारहरुको अभिनय छ ।
यो फिल्मबाट ८ वर्षपछि राजेश हमालको कमब्याक हुँदैछ । अभिनेता सरोज खनाल र हमाल ३० वर्षपछि एकसाथ फिल्ममा काम गर्दैछन् । उनीहरुले सन् १९९४ सेप्टेम्बर २७ मा रिलिज भएको फिल्म ‘सडक’मा सँगै काम गरेका थिए ।
क्रिएटिभ सिने आर्टको प्रस्तुति रहने यो फिल्मका द्वन्द निर्देशक चन्द्र पन्त हुन् । फिल्ममा निर्माता नरेन्द्र महर्जन, पशुराम बस्नेत र ध्रुव न्यौपानेको लगानी छ ।
