मुम्बई(एजेन्सी) । दक्षिण फिल्मका अभिनेता फहाद फाजिलले ‘पुष्पा २’ र ‘विक्रम’ जस्ता पेन इण्डिया फिल्मबाट भारतीय दर्शकको तारिफ पाए । भारतको सबैभन्दा दमदार अभिनेतामा गनिएका फहादले आफ्नो शानदार अभिनयकै कारण चर्चा पाएका छन् । यी अभिनेता अब चाँडै नै बलिउडमा ‘डेब्यू’ गर्दैछन् ।
समाचारअनुसार फहाद बलिउडका लोकप्रिय निर्देशक इम्तियाज अलीको फिल्ममा अनुबन्धित भएका छन् । उनी इम्तियाजको फिल्म ‘द इडियट अफ इस्तान्बुल’मा जोडिएका हुन् ।
‘यो घोषणा सबैमाझ आइसकेको छ । तर यो समयभन्दा केही अगाडि नै बाहिर आयो । एक फिल्म हो । तर म अझै पनि निश्चित भइसकेको छैन, हुनसक्छ यो फिल्म मेरो अगाडिको फिल्म पनि होइन । म लामो समयदेखि फिल्म बनाउने कोशिस गरिरहेको छु । यसको नाम ‘द इडियट अफ इस्तानबुल’ हो । म यो फिल्म अवश्य नै बनाउनेछु । मेरो योजना फहादसँग फिल्म बनाउनेछ’, इम्तियाजले भनेका छन् ।
फिल्ममा फहादसँगै तृप्ति डिमरीको पनि अभिनय रहनेछ । यो फिल्मको छायांकन सन् २०२५ को सुरुवातमा हुने योजना बनाइएको छ ।
फिल्म ‘पुष्पा २’मा प्रहरी अधिकृत भैरो सिंह शेखावतको भूमिका निभाएका फहादको कामलाई फ्यानले निकै रुचाएका छन् ।
