काठमाडौं । आगामी फागुन १४ गतेबाट रिलिज हुने फिल्म ‘मायाबी’को पहिलो गीत ‘त्यो माया हो’ सार्वजनिक भएको छ । गीतमा एसडी योगी र सदीक्षा कट्टेलको स्वर, राम अविरल विष्टको शब्द र एसडीकै संगीत छ ।
गीतको भिडियोमा फिल्मका मुख्य दुई कलाकारहरु नायक पल शाह र नायिका दीपिका प्रसाईको अभिनय छ । सफ्ट शैलीको यो रोमान्टिक गीतमा पल र दीपिकाले एक अर्कामा प्रेमको भावना पोखेका छन् ।
गीतमा कविराज गहतराजको कोरियोग्राफी छ । राजु विक्रम थापाको फिल्ममा डीओपी छ भने मिलन श्रेष्ठ फिल्मको सम्पादक हुन् ।
यो फिल्ममा दिवाकर भट्टराइको कथा, लेखन तथा निर्देशन छ । फिल्ममा ध्रुव न्यौपाने, राज कटुवाल र चन्द्र पन्तको लगानी छ । प्रविण भट्टराई र करण सिंह कार्यकारी निर्माता रहेको फिल्ममा मञ्जु भण्डारी, राजु पराजुली र सुमित ओलीको सह–निर्माण छ ।
फिल्ममा पल र दीपिकाको साथमा प्रशान्त ताम्राकार, सुशिल सिटौला, करिश्मा श्रेष्ठ, लक्ष्मी गिरी, अञ्सु महर्जन, राजाराम पौडेल, रवि डंगोल, राम प्रसाई, दीपेन्द्र सिम्खडा, संगीता सिलवालको अभिनय छ ।
यो फिल्ममा शम्भुजित बास्कोटा र एसडी योगीको संगीत, साहिल खानको ट्रेलर छ ।
