काठमाडौं । आगामी माघ ४ गतेबाट देशभर एक साथ प्रदर्शनमा आउने फिल्म ‘एक्टर’को दोश्रो ‘घर त तिम्रो काठमाडौं मेरो पोखरा’ बोलको रोमान्टिक गीत ओएसआर डिजिटलमार्फत सार्वजनिक भएको छ । नायक प्रिन्स थापा र नायिका शिवानी गीरी माथी फिचरिङ्ग गरिएको गीतमा रामचन्द्र काफ्ले र रश्मि उपाध्यायको स्वर छ भने संगीत सम्राट थापाको रहेको छ ।
आधुनिक परिवेश, प्रेम, रोमान्स, थ्रिलर्स सस्पेन फिल्मका निर्माता पत्रकार मनोहरी थापा हुन् । फिल्ममा प्रिन्स थापा, शिवानी गीरी, कशिस दाहाल, कृष्ण मल्ल, सरोज खनाल, महेन्द्र मैनाली, शिबु शाह, निशा केसी भण्डारी लगायतका कलाकारको अभिनय छ । मदन घिमिरेको निर्देशन रहेको फिल्म नेपाल डाइस्पोरा इन्टरटेनमेन्टको व्यानरमा निर्माण भएको हो ।
