काठमाडौं । फिल्म ‘पूजा सरः राजागंज’को पोस्टर सार्वजनिक गरिएको छ । आगामी चैत १ गते रिलिज हुने फिल्मको पोस्टरमा फिल्मका प्रमुख कलाकारहरु दयाहाङ राई, आशा मगराती, विजय बराल र निकिता चाण्डकलाई स्थान दिइएको छ ।
पोस्टरमा दयाहाङ प्रहरी एसपीको पोशाकमा देखिएका छन् । कुनै घटनाका लागि तयार रहेको प्रहरी टोलीजस्तो देखिएको छ । फिल्म ‘ह्वाइट सन’ फेम्ड निर्देशक दीपक रौनियारको निर्देशन रहेको फिल्म ‘पूजा सरः राजागंज’मा छ ।
यो फिल्म ‘कबड्डी’ सिरिजका निर्देशक रामबाबु गुरुङको लगानीमा निर्माण भएको हो । फिल्मलाई पुलिस थ्रिलरको जनरामा राखिएको छ । फिल्ममा ऋचा शर्मा, पशुपति राई, गौमाया गुरुङ, घनश्याम मिश्रा, आरती मण्डल तथा पुष्पा यादवको पनि अभिनय रहेको छ ।
