काठमाडौं । बालगायक आयुष केसीले आफ्ना आमाबाबुलाई सम्झँदै ‘आमा बाबा’ बोलको गीतको भिडियो सार्वजनिक गरेका छन् । पहिलो ‘सुरशाला आइडल जुनियर’ विजेता गायक आयुषले आफ्नो जन्मदिनको अवसर पारेर गीतको भिडियो सार्वजनिक गरेका हुन् ।
गीतकार कादम्बरी दाना श्रेष्ठको एकल रचनामा रहेको गीति संग्रह ‘कादम्बरी कुञ्ज’ मा समावेश गीतमा शंकर थापा स्माईलको संगीत र उदयराज पौडेलको संगीत संयोजन छ ।
भिडियोमा नायक र मोडेल विनोद न्यौपाने, गीतकार कादम्बरी दाना श्रेष्ठसहित गायक आयुष केसी स्वयंले अभिनय गरेका छन् । डस म्युजिक प्रालिको प्रस्तुति रहेको गीतमा देवजंग थापाको निर्देशन, छायांकन तथा सम्पादन छ ।
