काठमाडौं । नवनायक धिरज मगरलाई फिचरिङ गरेर फिल्म ‘इन्टु मिन्टु लण्डन’को शीर्ष गीत सार्वजनिक भएको छ । आगामी असोज ५ गते रिलिज हुने फिल्मको यो दोस्रो गीत ‘लण्डनमा’मा नायक धिरजसँगै लण्डनको सेरोफेरो देखाइएको छ ।
गीतमा सुशिल कर्मचार्यको शब्द तथा स्वर छ । लण्डनमा बसेर काम गरिरहेको एक यूवा र उसको प्रेम कथालाई फिल्मले उठान गरेको छ । कोरियोग्राफर रेनशा वान्तवा राईको ‘डेब्यु’ निर्देशन रहेको फिल्ममा धिरजले नायिका साम्राज्ञी राज्यलक्ष्मी शाहसँग रोमान्स गरेकी छन् । गीतमा उज्जवल जोशीको सम्पादन छ ।
आइकोर फिल्मस्को व्यानरमा निर्माण गरिएको फिल्ममा प्रज्जवल शमशेर जबरा र प्रभु शमशेर जबराको लगानी छ । फिल्ममा सारुक ताम्राकार, दिलभुषण पाठक, विजय लामा र रुवी राणालगायतको अभिनय छ ।
