काठमाडौं । आगामी दशैंमा रिलिज हुने फिल्म ‘निर्जला’को नयाँ गीत ‘यसपालीको दशैंमा’ सार्वजनिक भएको छ । राजधानीमा बिहीबार एक कार्यक्रमबीच पत्रकारमाझ गीत सार्वजनिक गरिएको हो ।
सार्वजनिक गीतमा बाबुल गिरी र सुजाता बर्माको स्वर छ । गीतमा दिनेश सुवेदीको शब्द र बाबुल गिरीको संगीत छ । गीतमा फिल्मका मुख्य कलाकार किशोर खतिवडा र सुभेक्षा थापाको अभिनय छ ।
राजु गिरीको निर्देशनमा बनेको फिल्ममा रश्मी भट्ट, पल्पसा डंगोल, श्याम राई, सुरवीर पण्डित, प्रकाश न्यौपानेलगायतको अभिनय छ । फिल्ममा प्रकाश चन्द्र न्यौपानेको लगानी छ ।
