काठमाडौं । आगामी शुक्रबारबाट प्रदर्शनमा आउने फिल्म ‘निर्जला’को शीर्ष गीत सार्वजनिक भएको छ । मेलिना राईको स्वर रहेको गीत ‘सबैकी प्यारी निर्जला’मा फिल्मकी शीर्ष नायिका शुभेक्षा थापाले फिचरिङ गरेकी छन् । गीतमा बाबुल गिरीको संगीत र राम रुवालीको शब्द छ । गीतमा कमल राईको नृत्य छ ।
गाउँले परिवेशमा आधारित रहेर निर्माण भएको फिल्ममा राजु गिरिको निर्देशन र प्रकाशचन्द्र न्यौपानेको निर्माण छ । फिल्ममा किशोर खतिवडा, शुभेच्छा थापा, निक शर्मा, श्याम राई, पल्पसा डंगोल, रश्मी भट्ट, राजकुमार थापा लगायतका कलाकारहरुको अभिनय रहेको छ ।
फिल्ममा अशोक खड्काको द्वन्द्, कमल राईको नृत्य तथा रवि कोइरालाको छायांकन रहेको छ ।
