काठमाडौं । संगीतकार तथा गायिका निलम रोजु राईको नयाँ गीत ‘कति सुहायो यो कालो कोटमा’को भिडियो सार्वजनिक भएको छ । केही समयअघि ‘मलाई हजुरले लाएको टोपी मनप¥यो’ को भिडियो बजारमा ल्याएकी उनले शुक्रबार कालो कोटको चर्चा गर्दै नयाँ गीत दर्शकमाझ ल्याएकी हुन् ।
यो गीतमा निलमकै शब्द, संगीत र स्वर छ । निलमलाई स्वरमा गायक सुरेश लामाले साथ दिएका छन् । संगीतकार निलमले नयाँ गीतलाई पुर्वेली लोक–फ्लेवरमा ढालेकी छन् । उक्त गीतले कालो कोट लगाउनेहरुलाई प्रशसा गरेको छ ।
‘कति सुहायो त्यो कालो कोटमा’ बोलको यस गीतको भिडियोलाई नृत्य निर्देशक कमल राईले निर्देशन गरेका हुन् । गीतमा दक्षकुमार राई, कला राई, पवन पाठकलगायतका कलाकारले अभिनय गरेका छन् ।
युवराज राईको छायांकन रहेको गीतलाई फिल्मी शैलीमा प्रस्तुत गरिएको छ । दीक्षा प्रोडक्शनले निर्माण गरेको यस भिडियोलाई निलमले आफ्नै अफिसियल यु–ट्युब च्यानलमार्फत सार्वजनिक गरेकी हुन् ।
