काठमाडौं । नायिका दिपशिखा खड्कालाई पहिलोपटक मुण्डन लुक्समा देखाइएको फिल्म ‘प्रेमलीला’को पहिलो रोमान्टिक गीत सार्वजनिक भएको छ । हिन्दी भर्षनको ‘जाने क्या हुवा ए’ बोलको गीतमा नायिका दिपशिखा र भारतीय मोडल अली खानले फिचरिङ गरेका छन् । गीतमा डाक्टर सागरको शब्द, रवि राज शाहको संगीत तथा राजा हसन र सौमी शैलेशको स्वर छ ।
अन्तर्देशीय प्रेम सम्बन्धको कथा प्रस्तुत गरिएको फिल्ममा जनक पाण्डेको निर्देशन छ । फिल्ममा दीपशिखा र अलिसँगै मौसम खड्का, सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तवको अभिनय छ ।
नायिका खड्का कै कथा तथा लेखन रहेको फिल्ममा नानीमैया कार्की र फैजिल फिल्म्सको लगानी छ । फिल्ममा पवन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफी छ । सुनिल मानन्धरले वितरण गर्न लागेको फिल्म माघ २५ बाट देशभर रिलिज हुनेछ ।
