काठमाडौं । गायक रविन बर्तौलाको स्वरमा रहेको नयाँ गीत ‘एक मानेको दही’को भिडियो सार्वजनिक भएको छ । अर्जुन तिवारीको शब्द रहेको गीतमा दीपक शर्माको संगीत छ ।
भिडियोमा मोडलद्वय गम्भीर विष्ट र मरिष्का पोखरेलले अभिनय गरेका छन् । गीतको भाव अनुसार गम्भीरले मरिष्काको मायालाई दही र मोहीसँग तुलना गरेका छन् ।
गीतमा सन्दिप कार्की ढलीको एरेन्ज, दिनेश श्रेष्ठको मिक्सिङ छ । गायक बर्तौला आफै प्रोडक्सन डिजाइनर रहेको भिडियोमा बाबु श्रेष्ठको छायांकन, नविन निरौलाको सम्पादन, सुबोल थापाको कोरियोग्राफी र गम्भीरकै निर्देशन छ । भिडियो हाइलाइट्स नेपालको युट्युब च्यानलबाट सार्वजनिक भएको हो ।
