कागजपत्रमा कलाकारको मायाको संसार

काठमाडौं । आगामी चैत ८ गतेबाट रिलिज हुने फिल्म ‘कागजपत्र’को ‘मायाको संसार’ बोलको गीत सार्वजनिक भएको छ । हर्कुलस बस्नेतको शब्द, संगीत तथा स्वर रहेको यो गीतमा नाजिर हुसेन, शिल्पा मास्के, सरिता गिरी, भोलाराज सापकोटा फिचर्डं छन् ।

भिडियोमा नाजिर र शिल्पाको प्रेमसँगै विछोडका कुरालाई पनि देखाइएको छ । अपिल बिष्टको लेखन तथा निर्देशनमा तयार भएको फिल्ममा निमेष श्रेष्ठको सम्पादन, कास्मिर किक्सनको छायांकन तथा खिलेन्द्र तिमिल्सिना, मुकेश रेग्मी र प्रजापति सिवाकोटीको लगानी छ ।