काठमाडौं । गायक सन्जिब पराजुली र गायिका टीका प्रसाईंको गीत ‘कर्के नजर’ सार्वजनिक भएको छ । गीतकार आनन्द अधिकारीको शब्द रहेको उक्त गीतमा संगीत तथा एरेन्ज आशीष अविरलको छ । गीतमा भाइब एण्ड वेब ग्रुप फिचर्ड छन् । राहुल शाह र अलीशा शर्माको समेत अभिनय रहेको भिडियोमा राहुल शाहको निर्देशन छ ।
भिडियोमा पवन सुशलिङको छायांकन र सम्पादन छ । गायक सन्जिब र गायिका टीकाको संयुक्त एल्बम ‘सँग सँगै’ मा समावेश यो गीत अघि ‘नाइँ मलाई थाहा छैन’, ‘तिमी मलाई मन पर्छ’, ‘पहिलो भेटैमा’, ‘अलि अलि गर्दै’ बोलका गीतहरु दर्शकले रुचाएका छन् ।
