काठमाडौं । फिल्म ‘लभ स्टेशन’ को एक गीत ‘घाम जुन नै चाहिँदैन’ को भियतनाममा छायांकन गरिएको छ । आगामी चैत २२ गतेबाट रिलिजको घोषणा गरिएको फिल्ममा प्रदिप खड्का र जसिता गुरुङ फिचर्ड छन् । भियतनामको सुन्दर लोकेशनमा छायांकन गरिएको गीतमा प्रदिप र जसिता नै फिचर्ड छन् । फिल्मको टोली त्यहाँ छायांकन गरी नेपाल फर्किइसकेको छ ।
फिल्मका प्रस्तुतकर्ता गोविन्द शाहीका अनुसार अमेरिका र भियतनाम युद्ध सम्बन्धी फिल्मसहित ‘किङकङ’, ‘एनाकोण्डा’जस्ता हलिउडको फिल्म छायाँकन गरिएको स्थान भियतनाममा फिल्म छायांकन गरिएको हो । गीतको भिडियो आगामी भ्यालेन्टाइनको अबसर पारेर २ फागुनमा रिलिज गरिने भएको छ ।
फिल्ममा उज्जवल घिमिरेको निर्देशन छ । सांगीतिक प्रेमकथाको फिल्ममा रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानासहितको पनि अभिनय छ ।
