काठमाडौं । रंग पत्रकार तथा गीतकार शान्तिप्रियको एल्बम ‘अधर’ मा रहेको गीत ‘याद तिम्रो धेरै आइरह्यो’ को म्यूजिक भिडियो निर्माण गरिएको छ । गीतमा अर्जुन पोखरेलको संगीत र युवराज चौलागाईंको स्वर छ । यो गीतको छायांकनसँगै एल्बममा रहेका सबै गीतको भिडियो निर्माण भएको छ ।
शान्तिप्रिय दोस्रो एल्बम आकृतिको तयारीमा छन् । यो गीतको म्यूजिक भिडियो निर्देशन कलाकार निर्मल शर्माले गरेका छन् । गीतको छायांकन छायांकार राजु केसी, श्रृंगार निर्मला आचार्यले र सम्पादन वीरेन्द्र भाट ‘विपिन’ले गरेका छन् ।
गीतमा श्रीदेव भट्टराई, अनामिका चौलागाई र राम ढकाल फिचर्ड छन् । छायाँछवि क्रियशनले निर्माण गरेको म्यूजिक भिडियो फाल्गुनको पहिलो साता रिलिज गरिने छायाँछवि क्रियशनले जनाएको छ ।
