काठमाडौं । चैत १५ गते रिलिज हुने फिल्म ‘साइँली’को दोस्रो गीत ‘प्याट प्याटे’ सार्वजनिक भएको छ । सार्वजनिक गीतमा नायिकाद्वय मेनुका प्रधान र केनिपा सिंहसँगै गौरव पहाडी र दयाहाङ राई फिचर्ड छन् ।
गीतमा सुशान्त गौतमको संगीत, हर्क साउँदको शब्द तथा संगीतकार गौतमको स्वर छ । वैदेशिक रोजगारको कथा समेटिएको फिल्ममा रामबाबु गुरुङको निर्देशन छ । फिल्म गायक हेमन्त राना र गौरव पहारीको व्यानर जीएच इन्टरटेनमेन्टबाट बनेको हो । फिल्ममा माओत्से गुरुङ, केनिपा सिंह, प्रकाश घिमिरे, अरुण कार्कीको पनि अभिनय छ ।
विशाल गुरुङ र मोहन राना मगरको लगानी रहेको फिल्ममा बिजय अवाले, विकाश पुजास, सुवेच्छा केसी सह निर्माता छन् । फिल्ममा मणिराम पोखरेल कार्यकारी निर्माता, कालीप्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन र निमेष श्रेष्ठको सम्पादन छ ।
