काठमाडौं । आगामी चैत १ गतेबाट रिलिज हुने फिल्म ‘जानी नजानी’को ट्रेलर सार्वजनिक भएको छ । सार्वजनिक ट्रेलरमा देब बनेका मनिष श्रेष्ठ र मीरा बनेकी निरिशा बस्नेतबीचको प्रेम सम्बन्धको उतारचढाब देखाईएको छ । ट्रेलरमा बेरोजगार देखाइएका मनिषले पिता प्रकाश अधिकारीलाई जागिर माग्दा डुबेको कम्पनीलाई उकास्नुपर्ने शर्त राखेको प्रस्तुत गरिएको छ ।
फिल्ममा नम्रता श्रेष्ठ प्रकाश अधिकारी, कृष्ण भक्त महर्जन, रोशनी केसी पनि विभिन्न भूमिकामा छन् । बसन्त अधिकारी निर्देशित फिल्ममा कथा, पटकथा र संवाद सामिप्यराज तिमिल्सेनाले लेखेका हुन् ।
रोशनी इन्टरटेन्मेनटको ब्यानरमा निर्मित फिल्मकी प्रस्तुतकर्ता रोशनी केसी हुन् । फिल्ममा मोदनाथ खनाल र सागर काजी मालीको निर्माण रहेको छ । निर्माता केसीले यस अघि फिल्म ‘डाक्टर खाते’ निर्माण गरिसकेकी छिन ।
