काठमाडौं । भोजपुरी फिल्मका सुपरस्टार दिनेशलाल यादव ‘निरहुआ’ को मस्ट अवेटेड फिल्म ‘शेर–ए–हिन्दुस्तान’को पहिलो गीत रिलिज हुनासाथ भिडियो सामाजिक सञ्जालमा भाइरल भएको छ । गीतमा निरहुआसँग नेपाली नायिका नीता ढुंगाना फिचर्ड छिन् । निरहुआलाई नयाँ अवतारमा देखाइएको छ । फिल्म होलीको दिन रिलिज हुँदैछ ।
निरहुआको अघिल्लो फिल्म ‘बोर्डर’को जस्तै यो पनि एक देशभक्ति र एक मिठो प्रेमकथामा आधारित छ । हिमालयको एक गुफाबाट भारतमा हमला गर्ने तयारी गरेका विरोधीको योजनालाई एक युवकले कसरी तहसनहस गरिदिन्छन् भन्ने कथा दर्शकले फिल्ममा हेर्न पाउनेछन् ।
नेपालका सुन्दर लोकेशनमा छायांकन गरिएको फिल्मको निर्देशन प्रख्यात भोजपुरी निर्देशक मनोज नारायणले गरेका छन् ।
