काठमाडौं । नायक पुष्प खड्का र नायका आँचल शर्माका कारण अभिनेता हरिवंश आचार्य र अभिनेत्री निरुता सिंहबीच झगडा भएको छ । तर उनीहरुको झगडा भने वास्तविक होइन । बैशाख २० गतेबाट रिलिज हुने फिल्म ‘दाल भात तरकारी’ को शिर्ष गीतमा उनीहरुबीच झगडा भएको हो ।
राजेशपायल राई र स्मिता दाहालको स्वर रहेको गीतको भिडियोमा कलाकारहरु पुष्प खड्का, आँचल शर्मा, हरिवंश आचार्य र निरुता सिंह फिचर्ड छन् । पुष्पका बाबुआमाको भूमिकामा देखिने हरिवंश र निरुता सेफ लुक्समा छन् । गीतमा शम्भुजित बास्कोटाको संगीत छ ।
मह संचारको ब्यानरमा निर्माण भएको फिल्ममा किरण केसी प्रस्तुतकर्ता छन् । सुदन केसी निर्देशित फिल्ममा बर्षा राउत, राजाराम पौडेल, प्रियंका कार्की, विल्सन विक्रम राई, यमन श्रेष्ठ, शिवहरी पौडेल, किरण केसीलगायतका कलाकारहरुको पनि फिल्ममा अभिनय रहेको छ
