काठमाडौं । आगामी जेठ ३ मा रिलिज हुने फिल्म ‘जात्रै जात्रा’ को पहिलो गीत ‘माया पिरिम’ सार्वजनिक भएको छ । गीतमा निर्देशक तथा अभिनेता निश्चल बस्नेत, अभिनेत्रीद्वय करिश्मा मानन्धर, सारा सिर्पाली, विपिन कार्की, वर्षा राउत, रविन्द्रसिंह बानियाँ र रविन्द्र झासँगै दयाहाङ राई फिचर्ड छन् ।
निशान भट्टराई र मनिषा पोखरेलको स्वर रहेको गीतमा कृष्ण भारद्वाजको संगीत र रचनाकार लेखु सहयात्रीको शब्द छ । गीतमा कविराज गहतराजको कोरियोग्राफी छ ।
प्रदिप भट्टराई निर्देशित फिल्ममा रविन्द्रसिंह बानियाँको लगानी छ । उनलाई सिंगे लामा र योगेश्वर पौडेलले निर्माणमा सघाएका छन् ।
