काठमाडौं । गायक तथा संगीतकार शिव परियारको स्वर रहेको गीत ‘आँशुको अर्थ’को भाग २ ‘आँशुको अर्थ २’ को ‘मेरो भागको खुशी तिमीलाई मिलोस’को भिडियो सार्वजनिक भएको छ । चितवनका सञ्चारकर्मी रवी अधिकारीको शब्द रहेको गीतमा उदयराज पौडेलको संगीत संयोजन छ ।
भिडियोमा नायक तथा मोडल सन्नी सिंह र नायिका तथा मोडल ज्योत्सना योगी फिचर्ड छन् । अघिल्लो संस्करणको गीतमा स्वस्तिमा खड्का र नायक आकाश खड्का फिचर्ड थिए ।
भिडियोमा निकेश खड्काको निर्देशन, बुद्ध थापाको छायांकन र विकास धमलाको सम्पादन छ । गायक शिव परियारलेको आफ्नै युट्युब च्यानल बाट सार्वजनिक गरिएको यस गीत शिवले बजारमा आउन लागेको आफ्नो एघारौं सांगीतिक संग्रह ‘शिवालय’ मा समाबेश गरेका छन ।
