काठमाडौं । आगामी चैत २९ गतेबाट प्रदर्शनमा आउन लागेको फिल्म ‘ए मेरो हजुर ३’ को नयाँ गीत ‘चिट डे’ सार्वजनिक भएको छ । सार्वजनिक गीतको पहिलो झलकमा नायक अनमोल केसी फिचर्ड भए पनि बाँकी दृश्यमा सुहाना छाएक छन् ।
प्रविशा अधिकारीको स्वर रहेको गीतमा प्रतिक पौडेलको शब्द तथा संगीत छ । गीतमा राहुल शाहको कोरियोग्राफी छ । फिल्मले एक गायक र उसको फ्यानको प्रेमलाई दर्शाउनेछ । फिल्ममा नायक अनमोल केसी दोहोरो चरित्रमा छन् ।
सुनिलकुमार थापाले निर्माण गरेको फिल्ममा झरना थापाको निर्देशन छ । निर्देशक थापा र सुमन पौडेलको कथा रहेको फिल्ममा सञ्जय लामाको छायांकन, हिमाल केसीको द्वन्द्व, कविराज गहतराज, रामजी लामिछाने, प्रविन सिंह र राहुल शाहको कोरियोग्राफी र दीर्घ खड्काको सम्पादन छ ।
