काठमाडौं । अमेरिका जान चाहने एक परिवारको सपनालाई कथात्मक रुपमा प्रस्तुत गरिएको फिल्म ‘दाल भात तरकारी’को ट्रेलर केही दिन अघि सार्वजनिक गरिएको छ । आगामी वैशाख २० गतेबाट रिलिज हुने फिल्मको ट्रेलरमा श्रीमानश्रीमति बनेका हरिवंश आचार्य र निरुता सिंहको अमेरिका जाने सपनालाई देखाइएको छ ।
ट्रेलरमा पुष्प खड्का, आँचल शर्मा, वर्षा राउत, राजाराम पौडेल, शिवहरी पौडेल, किरण केसी, बसुन्धारा भुषाल, रविन तामाङ, शिशिर वाङ्देल, विल्सन विक्रम राईलगायत फिचर्ड छन् ।
मह संचारको ब्यानरमा निर्माण भएको फिल्मका प्रस्तुतकर्ता किरण केसी हुन् । फिल्मको निर्देशन किरणकै छोरा सुदनले गरेका छन् । फिल्ममा हरिवंशकै कथा, पटकथा तथा संवाद छ । यमन श्रेष्ठ, नरेन्द्र कंशाकार, जयनन्द लामा, मोहितबंश आचार्यलगायतका कलाकारहरुको पनि फिल्ममा अभिनय रहेको फिल्ममा प्रमिला आचार्य, यमन श्रेष्ठ, शिवहरी पौडेललगायत निर्माता छन् ।
