काठमाडौं । निर्देशक विकासराज आचार्यको निर्देशन रहेको फिल्म ‘हजार जुनीसम्म’ को पहिलो गीत ‘एमजी रोडैमा’ सार्वजनिक भएको छ । गीतमा राजनराज सिवाकोटी र मेलिना राईको तथा राजनराजकै शब्द र संगीत छ ।
गीतमा नायिका स्वस्तिमा खड्का, नायक सलोन बस्नेत र डेब्यू ब्वाई अखिलेश प्रधान फिचर्ड छन् । सिक्किमको एमजी रोडमा छायांकन गरिएको गीतमा कविराज गहतराजको कोरियोग्राफी र पुरुषोत्तम प्रधानको छायांकन छ । साउन २० गते रिलिज हुने फिल्ममा संचिता लुइँटेल, अनुभव रेग्मी, आर्यन सिग्देल, प्रियंका कार्की, शिवहरि पौडेललगायतको अभिनय छ ।
फिल्ममा उदयराज सोताङ, राजनराज शिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन छ । कलाकार कविता रेग्मी फिल्मकी कार्यकारी निर्माता हुन् ।
