काठमाडौं । रोमान्टिक, कमेडी र सस्पेन्सलाई राखेर निर्माण गरिएको फिल्म ‘कुम्भ करण’को ट्रेलर सार्वजनिक भएको छ । आगामी जेठ १७ गते रिलीज हुने फिल्मको शुक्रबार ट्रेलर सार्वजनिक गरिएको हो ।
फिल्ममा निशा अधिकारी, गौरव पहारी, भोलाराज सापकोटा, अभय बराल, आकाश पल, कुलदिप अधिकारी, सद्भाव थापा लगायतको अभिनय छ । आकाश पल इन्टरटेन्मेन्टको ब्यानरमा निर्माण भएको फिल्ममा दीपक वलीको निर्देशन छ ।
रोम वली कार्यकारी निर्माता, क्षितिज बस्नेत र खड्क वुढाथोकी निर्माता रहेको फिल्ममा महेश दवाडीको कथा, पटकथा तथा संवाद, हरी लामाको छायांकन, विनोद ढकाल, गोविन्द मधुर आचार्य र जयन जेको संगीत, सुरेन बसेलको नृत्य निर्देशन रहनेछ ।
