काठमाडौं । आगामी भदौ ६ गते रिलिज हुने फिल्म ‘हजार जुनीसम्म’को ‘आज नगद भोलि उधारो’ बोलको गीतको केही तस्बिर निर्माण पक्षले सार्वज्निक गरेको छ । सार्वजनिक गीतमा दीपाश्री निरौला, आर्यन सिग्देल र शिवहरि पौडेल फिचर्ड छन् । गीतमा आर्यन र दीपाको नृत्य रहेको निर्माण पक्षले जनाएको छ ।
फिल्म ‘छक्का पन्जा’को तीन सिरिजमा सफलता चाखिसकेकी निर्देशक दिपाश्रीलाई यो फिल्ममा आइटम नृत्य गर्दै गरेको देख्ने छन् । गीतमा दीपाले ‘भट्टीको साहुनी’को रुपमा आइटम नृत्य गरेकी छिन् । यो गीतमा उनको नाम ‘शर्मिला’ राखिएको छ । गीतमा नायिका स्वस्तिमा खड्का, नव–नायक अक्कीप्रधान, कलाकार शिवहरि पौडेल, उत्तम केसीलगायतलाई यो भिडियोमा देख्न सकिनेछ । कविराजगहतराजले कोरियोग्राफी रहेको गीतलाई पुरुषोत्तम प्रधानले छायांकन गरेका छन् ।
गीतमा बसन्त सापकोटाको शब्द तथा संगीत, प्रल्हाद तिमिल्सिना, मिना निरौला र दीपाश्रीको स्वर छ । ‘नाइँ नभन्नु ल’ सिरिजका निर्देशक विकासराज आचार्यको निर्देशन रहेको फिल्मको पटकथा सामिप्यराज तिमल्सेनाले तयार पारेका हुन् ।
फिल्ममा संचिता लुइँटेल, अनुभव रेग्मीलगायतको पनि अभिनय रहेको छ । यसमा उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन छ । कविता रेग्मी फिल्मकी कार्यकारी निर्माता हुन् भने यसमा विशाल चाम्लिङ निर्माता छन् ।
