काठमाडौं । फिल्म ’यो माया कस्तो माया’को ’हुन्न है’ बोलको गीत सार्वजनीक गरिएको छ । किसान पोखरेलको निर्देशनमा तयार फिल्मको रिलिज मिति तय गरिएको छैन । फिल्म असोजसम्ममा रिलिज हुने बताउदै निर्देशक पोखरेलले फिल्म पूर्ण रुपमा प्रेमकथामा आधारित रहेको खुलाए ।
फिल्मको सार्वजनिक गीतमा अर्जुन पोखरेलको संगीत , शिवानी मोक्तान तथा उद्धिपध्वज थापाको आवाज रहेको छ । गीत लेखन भने अम्बीका शर्माको रहेको छ । फिल्मको यस गीतमा दिवस धिताल र रितु पौडेल फिचरीङ छन् । गीतमा कोरियोग्राफि भने कबिराज गहतराजको रहेको छ । दिव्य सुवेदीको छायांकन रहेको छ भने सम्पादन अर्जुन जिसिले गरेका छन ।
फिल्मका कार्यकारी निर्माता कर्ण थापा किरण र बाबु गौतम रहेका छन् भने निर्माताहरुमा इन्द्र रजक , समृद्धि श्रेष्ठ , बिशाल गुरुङ , कमल चन्द्र पोखरेल र गोबिन्द बर्देवा रहेका छन् ।
