काठमाडौं । निर्देशक विकासराज आचार्यको निर्देशनमा तयार फिल्म ‘हजार जुनीसम्म’को पोस्टर सार्वजनिक भएको छ । सार्वजनिक पोस्टरहरुमा फिल्मका मुख्यकलाकारलाई समेटिएको छ । पोस्टरमा आर्यन सिग्देल, स्वस्तिमा खड्का, सलोन बस्नेत, शिवहरि पौडेल, संचिता लुइँटेल, अनुभव रेग्मीसंगै डेब्यु ब्वाई अखिलेश प्रधान देखिएका छन् ।
पोस्टरले फिल्म प्रेमकथामा आधारित रहेको सजिलै अनुमान लगाउन सकिन्छ । पोस्टर सार्वजनिकसँगै फिल्म साउन अन्तिममै रिलिज हुने भएको छ । केहि समय अगाडी भाद्र ६ मा रिलिज हुने चर्चा चलेता पनि फिल्म साउन ३० मै रिलिज हुनेछ ।
नाई नभन्नु ल सिरिजका निर्देशक विकासराज आचार्यको निर्देशन रहेको फिल्मको पटकथा सामिप्यराज तिमल्सेनाले तयार पारेकाहुन् । फिल्ममा उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन छ । कविता रेग्मी फिल्मकी कार्यकारी निर्माता हुन् भने यसमा विशाल चाम्लिङ निर्माता छन् ।
