काठमाडौं । एक्शन लभस्टोरी फिल्म ‘सोच’ मा समावेश ‘तिमीले मलाई साहारा’ बोलको गीत सार्वजनिक भएको छ । भदौ २० गते प्रदर्शन हुने फिल्मको गीतमा नीता ढुंगाना र प्रज्वल गिरी रोमान्टिक मुडमा छन् । शंकर अधिकारी घायलले लेखेको गीतमा योगेश काजी, जुनु गौतम र सुनीता थेगिङको स्वर तथा डिजे एलएक्सको संगीत छ ।
पुजन सिंह (प्रभाकर प्रकाश) को निर्देशनमा निर्माण भएको फिल्ममा नीता र प्रज्वलका साथमा नवनायक पूजन सिंह प्रमुख भूमिकामा छन् । सोच फिल्मस् प्रोडक्शन एण्ड डिस्ट्रिब्युटर्सको ब्यानरमा निर्माण भएको फिल्मका अन्य कलाकारमा बिशाल पहाडी, सोनिका, किरण थापा, रितेश श्रेष्ठ, उत्तम केसीलगायत छन् ।
गंगारजक प्रकाश र एस.डी निर्माता रहेको फिल्म बिदुर पाण्डेले खिचेका हुन् । कृष्ण आचार्यको पटकथा,सम्वाद रहेको सोचमा एनबि महर्जनको द्धन्द्ध निर्देशन,रामजी लामीछाने र प्रभाकर प्रकाशको कोरियोग्राफी र प्रितम पाण्डेको सम्पादन छ । फिल्म आरआर फिल्मस्ले वितरण गर्नेछ ।
