काठमाडौं । म्युजिक भिडियोकी मोडल मौसमी कन्दङ्वा लिम्बू गुरुङ संस्कृतिमा आधारित नेपाली फिल्म ‘पूर्णिमा’मा देखिने भएकी छन् । यो फिल्म स्याङ्जा र लम्जुङको विभिन्न रमणीय स्थानहरुमा छायाँकन गरिएको छ ।
फिल्म ‘पूर्णिमा’को निर्देशन जनक गुरुङले गरिरहेका छन् । फिल्ममा लेखन पनि जनककै रहेको छ । नवज्योती भिजन नेपालको दोस्रो प्रस्तुत रहेको फिल्म ‘पूर्णिमा’मा मोडल पूर्णिमा गुरुङ र मनोज गुरुङको मुख्य अभिनय रहेको छ । उक्त फिल्ममा मौसमी क्यारेक्टर भूमिकामा देखिनेछिन् ।
विभिन्न गीतको भिडियोहरुमा मोडलिङ गर्दै आएकी मौसमीले गुरुङ संस्कृतिमा आधारित फिल्ममा अभिनय गर्दा रमाइलो लागेको बताइन् । उनले भनिन्, ‘गुरुङ संस्कृति र रहन–सहन बोकेको फिल्ममा अभिनय गर्दा रमाइलो लाग्यो ।’ उनले आफ्नो रोल छोटो भएपनि महत्वपूर्ण रहेको बताइन् ।
फिल्मकी मुख्य नायिका स्याङ्जाकी पूर्णिमा गुरुङले पनि थुप्रै म्युजिक भिडियोहरुमा मोडलिङ गरिसकेकी छन् । लमजुङको सल्लाबोटे र भैसारालगायत स्याङजामा समेत छायाँकन गरिएको निर्देशक ग्ुरुङले बताए । फिल्ममा पूर्णिमा गुरुङ, मनोज गुरुङ, मौसमी कन्दङ्वा लिम्बू, भौमाया गुरुङलगायतको अभिनय रहेको छ । ‘पूर्णिमा’को सह–निर्देशन रविन तमूले गरेका छन् ।
