काठमाडौं । फिल्म ‘काले दाई’को फस्टलुकसँगै प्रदर्शन मिति सार्वजनिक भएको छ । शिव शर्माको निर्देशनमा बनेको फिल्म बिजयादशमीको अवसर पारी असोज १७ गते प्रदर्शनमा आउँदैछ ।
नौधारे फिल्म प्रोडक्सन र रामजाली प्रोडक्सनको ब्यानरमा निर्माण भएको फिल्ममा सम्शेर गुरुङ र ईन्द्र रामजालीको लगानी छ । फिल्ममा ईन्द्र रामजाली, शिशिर भण्डारी, अनु पराजुली, सुरेन्द्र केसी, शारदा गिरी, उत्तम केसी, विष्णु सापकोटा, गीता अधिकारी, गोबिन्द श्रेष्ठ लगायतको अभिनय रहेको छ ।
फिल्मको कथा ईन्द्र रामजाली र किशन अर्यालले लेखेका हुन् । फिल्ममा पवन गौतमको छायांकन, कुमार महर्जनको द्धन्द्ध, रामजी लामिछानेको कोरियोग्राफी तथा तारा थापा ‘किम्भे’को सम्पादन छ । फिल्मलाई आरआर फिल्मस्ले वितरण गर्नेछ।
