काठमाडौं । आगामी मंसीर २० गते रिलिज हुने फिल्म ‘माया पिरिम’को फस्र्ट लुक सार्वजनिक भएको छ । नामले नै माया प्रेमको कथा जस्तो लाग्ने फिल्मले लव स्टोरी कथा बोल्नेछ । टेक पौरखी राईको निर्देशनमा बनेको फिल्मको कथा सबिन अधिकारीले लेखेका हुन् ।
फिल्ममा कोशिस क्षेत्री, सलोन बस्नेत, किरण चन्द, अन्जली अधिकारी, अर्जुन गुरुङ, कालु राना, जयनन्द लामा, अरुणा कार्की, अनुपमा भण्डारी, विशाल पहाडी, टेक पौरखी राई, सागर बस्नेतलगायतका कलाकारको अभिनय रहेको छ । प्रविन थापा र सबिन अधिकारीको निर्माणमा बनेको फिल्ममा सागर बस्नेत र कोषराज दाहाल कार्यकारी निर्मातामा छन् ।
फिल्ममा मोहन मरासैनी र युवराज दाहाल सह–निर्माता छन् । निरज कंडेलले छायांकन गरेको फिल्ममा जीवन थापाको सम्पादन, श्री श्रेष्ठको द्वन्द, कोशिश क्षेत्रीको संगीत, शिशिर खातीको कोरियोग्राफी रहेको छ ।
