काठमाडौं । अभिनेता विराज भट्टको डेब्यू निर्देशनमा बनेको फिल्म ‘साङ्लो’ को पहिलो गीत ‘चरीले काफल’ सार्वजनिक भएको छ । गीतमा राजनराज शिवाकोटी तथा मिलन नेवारको स्वर छ । गीतमा राजनराजकै शब्द र संगीत छ । गीतमा विराज र निकिता चन्दक फिचर्ड छन् । पूर्व मिस नेपाल निकिता यसै फिल्ममार्फत नेपाली रजतपटमा डेब्यू गर्दैछिन् । गीतमा कविराज गहतराजको कोरियोग्राफी छ ।
माघ २४ गतेबाट देशव्यापी प्रदर्शनमा आउन लागेको फिल्ममा शिवम अधिकारीको लेखन, श्री श्रेष्ठको द्वन्द्व र अर्जुन जिसीको सम्पादन, मानकृष्ण महर्जनको छायांकन छ । फिल्ममा कामेश्वर चौरासिया, जयनन्द लामा, आर.पि. पन्त, लय संग्रौला, शिशिर भण्डारी र प्रकाश शाहलगायतका कलाकारको अभिनय छ ।
