काठमाडौं । विगत ८ वर्षदेखि निरन्तर रुपमा आयोजना हुँदै आएको म्यूजिक खबर म्यूजिक अवार्डको ८ औं संस्करण यही मंसिर २० गते प्रज्ञा भवन कमलादीमा सम्पन्न हुँदैछ । शुभकामना मिडिया सोलुशनको आयोजनामा हुन लागेको यो अवार्डमा यसपटक गीतकार किरण खरेललाई ‘दीर्घ साधना सम्मान’बाट सम्मानित गरिने भएको छ । आफ्नो कलममार्फत नेपाली सुगम संगीत र पाश्र्व संगीतमा पु¥याएको उत्कृष्ट योगदानको कदर गर्दै सम्मान गर्न लागिएको आयोजकले जनाएका छन् ।
४० विधामा आयोजना हुने यस अवार्डमा संगीतकार आलोक श्रीलाई ‘दशकको स्रष्टा सम्मान’, गायिका सिन्धु मल्ललाई ‘दशकको स्रष्टा सम्मान’, गीतकार ज्ञानेन्द्र गदाललाई ‘डायस्पोरा संगीत सम्मान’, गायक नविन पौडेललाई ‘युवा प्रतिभा संगीत सम्मान’, क्रिस्टिना श्रेष्ठलाई ‘बाल प्रतिभा प्रोत्साहन सम्मान’, पत्रकार विजयरत्न तुलाधरलाई ‘संगीत पत्रकारिता पुरस्कार’ र हेटौडाका पत्रकार मणिराज गौतम ‘मोफसल पत्रकारिता सम्मान’बाट सम्मानित हुनेछन् ।
