काठमाडौं । गत १३ मंसिरदेखि देशभरका हलमाप्रदर्शन भइरहेको फिल्म ‘लभ यु हमेशा’मा समाबेश ‘सुखको जुनी’बोलको गीत सार्वजनिक भएको छ । उदय सोताङको स्वर,भास्कर प्रधान (भासु) को शब्द र संगीत रहेको गीतको भिडियोको कोरियोग्राफी कमल राईले गरेका हुन् ।
भास्कर प्रधानको लेखन र निर्देशनमा यवन गुरुङले निर्माण गरेको फिल्मको यस गीतमा अभिनेता यशराज गरच, गोपाल ढकाल (छन्दे),शिशिर राणा, ऋचा थापा, फिजा योन्जनलगायतका कलाकार फिचर छन् ।
धर्मा क्रिएसनको ब्यानरमा मिलन गुरुङ सहनिर्माता रहेको फिल्मको सुटिङ भारतको दार्जिलिङ, कालेबुङलगायत काठमाडौ र फिलिपिन्समा गरिएको छ । शिव ढकालले खिचेको फिल्ममा यशराज साइक्याट्रिक डाक्टरको भूमिकामा छन् ।
