काठमाडौं । भर्सटायल गायक राजेशपायल राईको एलबम ‘सेवान्ने’मा समावेश ‘हुरुक्कै भएँ म’ बोलको गीतको भिडियो सार्वजनिक भएको छ । भिडियोमा अभिनेता दयाहाङ राई र मोडल एलिसा राई फिचर्ड छन् ।
दर्शन नमस्ते इन्टरटेनमेन्टको युट्युव च्यानलबाट सार्वजनिक गरेको म्युजिक भिडियोमा दयाहाङ बोल्न र सुन्न नसक्ने युवकको भूमिकामा देखिएका छन् भने एलिशा राई एक शिक्षिकाको भूमिकामा छिन् । गीतमा शब्द राजन मुकारुङको रहेको छ भने संगीत दिनेशकाजी वान्तावाले भरेका छन् ।
म्युजिक भिडियोलाई भूपेन्द्र तुम्बाम्फेले छायांकन गरेका छन् । त्यस्तै भिडियो निर्देशन किरण चाम्लिङ राई र सम्पादन अनिल रानाको रहेको छ ।
